Passport

नेपाली राजदूतावास

प्रिटोरिया¸ दक्षिण अफ्रिका

यस राजदूतावासमार्फत प्रदान गरिने सेवाहरु (राहदानी तथा अस्थायी राहदानी) का लागि आवश्यक पर्ने कागजातहरुः

१. राहदानी

 अन्तर्राष्ट्रिय नागरिक उड्डयन संगठन (International Civil Aviation Organization- ICAO) को प्रावधान बमोजिम सन् २०१५ को नोभेम्बर २४ पश्चात हस्तलिखित राहदानीबाट कुनैपनि देशमा यात्रागर्न मान्यता प्राप्त नहुने भएकोले सो मिति अगावै सबै मुलुकहरुले विदेश यात्रागर्न चाहाने वा हस्तलिखित राहदानी प्रयोग गरिरहेका आ-आफ्ना देशका नागरिकहरुलाइ हस्तलिखित राहदानीहरुको सट्टा यन्त्रले पढ्नसक्ने राहदानी (Machine Readable Passport – MRP) जारी गरीसक्नुपर्ने वाध्यकारी प्रावधान रहेको छ । नेपाल उक्त संगठनको एक सदस्य मुलुक रहीआएको सन्दर्भमा नेपाल सरकारले उक्त समय अगावै नेपाली हस्तलिखित राहदानीहरु प्रचलनबाट हटाउनेतर्फ कदम चालीसकेको र मिति २०६७ पौष ११ ( Dec 26, 2010) देखी नै राहदानी विभागले MRP जारीगर्न शुरुआत गरिसकेको छ। विदेश यात्राको लागि कम्तिमा पनि ६ महिना बहाल अवधि (validity date) रहेको राहदानीमा मात्र प्रवेशाज्ञा लगाउने वा यात्रागर्न मान्य हुने गरेको विश्वव्यापी प्रचलन रहेको छ। सन् २०१० अप्रिल १ तारिखभन्दा अगाडी जारी गरिएका हस्तलिखित राहदानीमा बहाल (Valid until) अवधि जतिसुकै रहनेभनी उल्लेख भएतापनि नयां व्यवस्था अनुसार सन् २०१५ को नोभेम्बर २४ पछाडी ती राहदानीहरुबाट यात्रागर्न सम्भव नहुने अवस्था रहेको छ ।

उल्लिखित सन्दर्भमा दक्षिण अफ्रिका तथा यो राजदूताबास सहप्रमाणिकृत अन्य देशहरुमा बैदेशिक रोजगारको सिलसिलामा¸ अध्ययन वा अन्य विभिन्न पेशासंग आवद्द भई बसोबास गरीरहनु भएका र हालसम्म पनि MRP नलिएका नेपाली नागरिकहरुलाइ MRP का लागि यथाशीघ्र यस दूतावासमार्फत वा नेपालमा गएको समयमा सम्बन्धित निकायमा आवेदन दिनुहुन सूचित गरिन्छ । त्यसैगरी पुरानो राहदानीको म्याद छ महिनाभन्दा कम भएमा¸ राहदानीको बहाल म्याद सकिएमा वा हराएमा नयां नेपाली राहदानीका लागि आवश्यक कागजातहरु र तोकिएको शुल्कसहित राजदूतावासमा आवेदन पेश गर्नुपर्नेछ । दूतावासमा पेश भएका रितपूर्वक भरीएका राहदानी आवेदन फारामहरु दूतावासमार्फत नेपालको परराष्ट्र मन्त्रालय अन्तर्गत काठमाडौंमा रहेको राहदानी विभागमा पठाइने र त्यसरी पठाइएका फारामहरु प्रशोधन गरी राहदानी छपाइ हुन झण्डै ६ देखि ८ हप्ता लाग्ने र लगभग ३ महिनाजतिमा दूतावासमा आइसकेपछि वितरण गरिने गरिएको छ । तसर्थ¸ एम आर पी लिइनसकेका विदेशमा रहनुभएका सबै नेपाली नागरिकहरुले यथाशीघ्र एम आर पी का लागि दूतावासमा आवेदन दिनुहुन तथा जानकारी प्राप्त नभएका आफ्ना अन्य नेपाली साथीभाइ नागरिकहरु तथा परिचितहरुलाइ सो बारेको जानकारी गराइदिनु हुन समेत दूतावास अनुरोध गर्दछ ।

राहदानीका लागि पेश गर्नु पर्ने आवश्यक कागजातहरु

  • राहदानीका लागि नेपालको राहदानी विभाग (Department of Passport) को वेवसाइट www.nepalpassport.gov.np मा गई त्यहां उल्लेख गरिए अनुसारको निवेदन कम्प्युटरमा डाउनलोड गरी कम्प्युटरमार्फत भरिएका दुईप्रति फाराम र तोकिएको गुणस्तर र साइजका फोटा टांसगरी दूतावासमा पेश गर्ने । फाराम भरी A4 साइजमा प्रिन्ट गर्नुपूर्व पेज स्केलिङमा मार्जिन छोड्दा “ None” विकल्प छान्ने ।
  • फाराममा हस्ताक्षर गर्ने खण्डमा कालो मसीले आफ्नो हस्ताक्षर गरी निर्दिष्ट स्थानमा ल्याप्चे लगाएको हुनुपर्ने ।
  • पुरानो राहदानीको सक्कल तथा प्रतिलिपि
  • नेपाली नागरिकताको प्रमाणपत्रको सक्कल र प्रतिलिपि वा अग्रेजी उल्थाको सक्कल र प्रतिलिपि ।
  • हालै खिचिएको पासपोर्ट साइजका ४ प्रति रंगिन फोटाहरुः फोटाहरु किनारा नभएको-अनुहारको भागले सम्पूर्ण फोटोको ७० देखि ८० प्रतिशत भाग कभर गरेको र दुवै कान स्पष्ट देखिने हुनुपर्दछ । फोटो विवरणका लागि राहदानी विभाग वा दूतावासको वेवसाइटको MRP खण्डमा हेर्नुहोला ।
  • शुल्क दक्षिण अफ्रिकी Rand १¸३६०।०० (नविकरण/नयां राहदानीका लागि)¸ हराएको वा ड्यामेज भएको राहदानीका लागि सो को दोब्बर अर्थात Rand २¸७२०।०० राजश्व (शुल्क) लाग्ने ।
  • दक्षिण अफ्रिकाबाहेक अन्य देशमा रहनुभएका नेपाली नागरिकको हकमा नया वा राहदानी नविकरणका लागि नेपाली राजदूतावास प्रिटोरियाको नाममा प्राप्त हुनेगरी बैंक वा मनि ट्रान्स्फर कम्पनीमार्फत पठाउनु पर्नेछ। तोकिएको राजश्व रकम बैंक वा मनी ट्रान्स्फर कम्पनीमार्फत पठाएको प्रमाण निवेदनका साथ संलग्न हुनु पर्नेछ। बैंक रसीदको स्क्यान गरी दूतावासलाई इमेलमार्फत समेत पठाएर अग्रिम जानकारी गराउन सकिनेछ । दूतावासको खातामा वैंकमार्फत वा दूतावासका नाममा मनि ट्रान्फर कम्पनीमार्फत पैसा पठाउंदा लाग्ने वैंक कमिशन¸ चार्ज वा सटही दरमा हुनजाने हेरफेर लगायतका लागि खर्च लाग्ने भए सो खर्च समेत आवेदकले नै व्यहोर्ने गरी तोकिएको पुरा राजश्व शुल्क दूतावासका नाममा प्राप्त हुनुपर्नेछ । कागजातहरु दूतावासमा पठांउँदा माथि उल्लिखित कागजातहरुमा नेपाली अवैतनिक बाणिज्यदूताबास भएको ठाउं (हाल केन्याको नैरोबीमा) प्रमाणीत गराइ कुरीयरमार्फत पठाउनुपर्ने छ। उक्त कुरीयरका साथमा राहदानीका लागि बैंकमार्फत पठाएको शुल्कको भौचर वा कुपन समेत समावेश गरिनुपर्ने । दुतावासलाई उक्त रकम प्राप्त भए पश्चात् आवेदकको राहदानी फाराम नेपाल पठाइने र राहदानी प्राप्त भएपछि सो जानकारी आवेदकलाइ गराइने । कुरीयरमार्फत दूतावासबाट राहदानी प्राप्तगर्न सकिने भएकाले निवेदकसम्म राहदानी पुर्याउने व्यवस्थाका लागि निवेदकले आफै कुरीयर सेवाको अग्रिम व्यवस्था गर्नुपर्ने र सो को जानकारी दूतावासलाइ अग्रिम रुपमा इमेल वा टेलिफोनमार्फत गराउनुपर्नेछ ।

 नेपाली राजदूतावास¸ प्रिटोरिया¸ दक्षिण अफ्रिकाको नाममा राजश्व रकम जम्मागर्नुपर्ने दूतावासको बैकखाता विवरणः

 FNB Bank details of the Embassy’s Revenue Account

(for the purpose of collecting revenue, receiving from service seekers staying abroad or within South Africa who can’t visit to the Embassy or send money via Money Gram or Western Union)

Revenue Account of Embassy of Nepal, South Africa: Banking details as follows:
Account holder: Embassy of Nepal in South Africa
Account No: 622 720 43961
Bank: First National Bank (FNB) South Africa
Branch: Brooklyn, Pretoria
Branch Code: 251 345
SWIFT Code: FIRNZAJJXXX
Amount: As designated for specified/requested service/document
Reference: Applicant’s name, surname & purpose of fee
Embassy of Nepal Contact: eonpretoria@mofa.gov.np, Tel: +27 (0)12 3427546

About the Form and the Photo size and Quality


२. हराएको राहदानीको सट्टामा नयां राहदानी जारी

 आफ्नो राहदानी हराएमा हराएको राहदानीको सम्पूर्ण विवरण उल्लेख गरी नजिकको प्रहरी कार्यालयमा सूचना गरेपछि प्रहरी प्रतिवेदन सहित नयां राहदानी लिन चाहिने सम्पूर्ण कागजातहरु (माथि नं १ मा उल्लेख गरिए अनुसार) आफै राजदूतावासमा पेश गर्नूपर्ने छ । राजदूतावासबाट निवेदकको हराएको राहदानीको सट्टामा नयां राहदानी तयार गर्न नेपालमा फाराम पठाइने छ । हराएको राहदानीको विवरण इन्टरपोल लगायतका अन्य निकायलाइ पनि उपलव्ध गराउनुपर्ने भएकाले हराएको राहदानीको स्पष्ट विवरण उपलव्ध गराउनुपर्ने । यस अघिको राहदानी जारी गर्ने निकायसंग हराएको राहदानीका सम्बन्धमा थप जानकारी उपलव्ध गराउन अनुरोध गरिने र सोको जवाफ प्राप्त भएपछि सोही अनुसार गरिने र त्यसको जानकारी सम्बन्धितलाइ दिइनेछ ।

हराएको वा पाना च्यातिएको वा केरमेट गरी राहदानीमा क्षति पुगी नयां राहदानीका लागि आवेदन गर्दा दोव्वर शुल्क अर्थात हाल कायम दर अनुसार Rand २¸७२०।०० नगद वा मनि ट्रान्स्फर कम्पनी वा बैंकमार्फत दूतावासका नाममा प्राप्त हुनेगरी जम्मा हुनुपर्ने ।


३. बच्चाको राहदानी वा यात्रा अनुमति पत्र जारी

 नेपालको राहदानी सम्बन्धी नयां व्यवस्था अनुसार नावालकले समेत राहदानी वा यात्रा अनुमतिपत्र लिएर मात्र यात्रा गर्नसक्ने व्यवस्था भएको तथा बच्चाको उमेर बढ्दै जांदा अनुहारमा परिवर्तन हुनजाने र नागरिकता प्रमाणपत्र लिएपछि नागरिकताको प्रमाणपत्रका आधारमा नयाँ राहदानी लिनुपर्ने हुनाले हाल जम्मा ०५ (पाँच बर्ष) बर्षको बहाल अवधि रहेको राहदानी जारी हुने गरेको छ। बच्चाको नयाँ राहदानी वा यात्रा अनुमतिपत्रका लागि निम्न बमोजिमका कागजातहरु पेश गर्नुपर्नेछ । (विस्तृत विवरणका लागि Applying for MRP खण्डको MRP Fee, Application and Collection मा हेर्नुहुन)

  • नेपालको राहदानी विभागको सूचनामा उल्लेख गरिए अनुसारको भरीएको कम्प्युटर प्रिन्ट राहदानी फाराम २ प्रति ।
  • आमा र बावु दुवैजनाको तर्फबाट संयुक्त निवेदन।
  • बच्चाको नावालक प्रमाणपत्र वा आमा वावुको नाम समावेश भएको बच्चाको जन्मदर्ताको सक्कल प्रमाणपत्र वा प्रतिलिपि
  • आमा वावुको बिबाह दर्ता प्रमाणपत्र तथा राहदानीको सक्कल तथा प्रतिलिपि
  • बच्चाको हालसालै खिचिएको ४ प्रति पासपोर्ट साइजका फोटाहरु ।
  • राहदानी शुल्क: दक्षिण अफ्रिकी Rand ६८०।००अन्य देशबाट दूतावासका नाममा सो रकम प्राप्त हुनेगरी राजश्व दाखिला गरेको प्रमाण/भौचर/निस्सा (शुल्क र कागजात पेशगर्ने तरिका माथि नं १ मा उल्लेख गरिएको छ।)
  • हराएको वा ड्यामेज भएका कारण नयां लिनुपरेमा साधारण शुल्कको दोव्वर शुल्क लाग्ने ।

 


४. एकतर्फी यात्रा अनुमतीपत्र

 दक्षिण अफ्रिका वा दूतावास सहप्रमाणिकृत देशमा रहेका कुनै नेपाली नागरिकको राहदानी हराएको वा नष्ट भएको र तुरुन्तै नेपाल फर्कन आवश्यक भएको कारण जनाई सम्बन्धित व्यक्तिले एकतर्फी यात्रा अनुमती पत्र प्राप्त गर्नकालागि आवश्यक प्रक्रिया पुरागरी राहदानी फाराम समेत भरी यस राजदूतावासमा निवेदन दिएमा नियम बमोजिम दूतावासबाट एकतर्फी यात्रा अनुमतीपत्र जारी गर्न सकिने छ । यसका लागि थप देहायका कागजात तथा शुल्कहरु समावेश गरिएको हुनुपर्नेछः

  • राहदानी हराएको वा नष्ट भएको प्रमाण सहित निवेदन र प्रहरी प्रतिवेदन ।
  • नेपाली नागरिकताको सक्कल तथा प्रतिलिपि¸अन्य देशका लागि स्क्यान कपी ।
  • एकप्रति भरिएको राहदानी फाराम
  • हालसालै खिचिएका ३ प्रति पासपोर्ट साइजका फोटाहरु
  • शुल्क Rand ६८०।००
  • अन्य देशहरुबाट रकम पठाउँदा तोकिएको राजश्व बैंक वा मनि ट्रान्स्फर कम्पनीमार्फत दूतावासका नाममा प्राप्त हुनेगरी जम्मा गर्नुपर्ने । अन्य प्रक्रिया माथि नं १ मा उल्लेख गरिएजस्तै गर्ने।

५. अस्थायी हस्तलिखित इमर्जेन्सी राहदानी

 मशिन रिडेवल राहदानीका लागि आवेदन गरी राहदानीको पर्खाइमा रहेका तर तुरुन्तै नेपाल नफर्की केही महिना हाल कार्यरत देशमै बस्ने अवस्था परी अस्थायी/हस्तलिखित इमर्जेन्सी राहदानी लिनुपर्ने अवस्थाका नेपालीहरुलाई खास विशेष परिस्थितिमा र एम आर पी राहदानीका लागि दूतावासमा आवेदन गरेको अवस्थामा मात्रै अस्थायी इमर्जेन्सी हस्तलिखित राहदानीका लागि आवेदन गरेमा दूतावासबाट बढीमा ६ महिना बहाल म्याद भएको अस्थायी हस्तलिखित इमर्जेन्सी राहदानी जारी गर्न सकिनेछ । यस्तो राहदानीबाट नेपाल फर्किनबाहेक कार्यरत वा अन्य देशको भिसाका लागि आवेदन गर्न वा भिसा नविकरणका लागि मान्य नहुने अन्तर्राष्ट्रिय प्रचलन रहेकोले यसको आवश्यकता र प्रयोजन खुलाई सम्बन्धित व्यक्तिले नागरिकताको प्रमाणपत्रको सक्कल तथा प्रतिलिपि¸ पुरानो राहदानीको फोटोकपी र पासपोर्ट साइजका ४ प्रति फोटाहरु संलग्न गरी राजदूतावासमा नेपाली भाषामा निवेदन पेश गर्नुपर्ने छ ।

यसका लागि राजश्व Rand ३४०।०० लाग्ने


Useful Link:
1. Size of MRP Photo
2. MRP Form
3. MRP Fee Application and Collection
4. Updated Consular and Visa Fees